Communications ကောင်းသူ တစ်ယောက် ဖြစ်လာစေရန် လုပ်ဆောင်ရမည့် အချက်များ
- Aungtun Thant
- Oct 31, 2020
- 2 min read
လူအများကြားမှာ သင်တစ်ယောက်တည်းက အများနဲ့ မသက်ဆိုင်ပဲ တစ်ယောက်တည်း သီးသန့်ကြီး ဖြစ် နေသလို ခံစားနေရပြီလား..? လူအများရဲ့ စိတ်၀င်စားမှုကို ရရှိပြီး
Communication ကောင်းတဲ့လူတစ်ယောက် ဖြစ်ဖို့ အတွက်ဆိုရင်တော့ အရင်ဆုံး သင့်ကိုယ်သင် စိတ်၀င်စားဖို့ကောင်းအောင် လုပ်ပေးရပါမယ်။အရင်ဆုံးသင်လုပ်ရမှာက comfort zone ရဲ့အပြင်ဘက်ကို သွားဖို့လိုပါမယ်။လူတစ်ဦးနဲ့တစ်ဦးအကြားမှာ ပြောဆိုဆက် သွယ်မှုဟာ အရေးပါတဲ့ကိစ္စတစ်ခုဖြစ်ပါတယ်။ သိသင့်သိထိုက်တဲ့ သတင်းအချက်အလက်တွေ ဖြန့်ဝေဖို့၊ လက်ခံဖို့အတွက် ကျွန်တော်တို့ဟာ ပြောဆိုဆက်သွယ်ရေးလွယ်ကူတဲ့သူ သို့မဟုတ် ယုံယုံကြည်ကြည်နဲ့ ပြောဆိုဆက်ဆံလို့ရတဲ့သူတွေ ဖြစ်ဖို့လိုအပ်ပါတယ်။ဒါ့ကြောင့် အလုပ်ခွင်မှာ ပြောဆိုဆက်သွယ်မှု (Communication) ကောင်းသူတစ်ယောက်အဖြစ် ရပ်တည်နိုင်စေဖို့ ဆောင်ရန်၊ ရှောင်ရန် အချက်ကလေးတွေကို ဝေမျှ ပေးလိုက်ပါတယ်။
၁။ ပြဿနာတက်စေမယ့်စကားလုံးများကို ရှောင်ရှားပါ
ရုံးတိုင်းမှာ လူတွေအတွက် အထိအခိုက်မခံတဲ့၊ လူတွေကို စိတ်ဆိုးဒေါသဖြစ်စေမယ့် ကိစ္စရပ်တွေရှိ တတ်ကြပါတယ်။
သင့်အနေနဲ့လုပ်ဆောင်ရမှာက သင့်ရဲ့မန်နေဂျာနဲ့ လုပ်ဖော်ကိုင်ဖက်တွေက ဒီအ ကြောင်းအရာတွေကို စဉ်းစားမိစေမယ့် စကားလုံး အသုံးအနှုန်းတွေ၊ ပြောဆိုဆွေးနွေးမှုတွေကို ရှောင်ကြဉ်ဖို့ဖြစ်ပါတယ်။
ဒီလိုမျိုးအပြောအဆို သတိထားမယ်ဆိုရင် သင့်အနေနဲ့အတင်းအဖျင်း ပြောတဲ့သူအဖြစ်ကနေ လွတ်ကင်းနိုင်မှာဖြစ်သလို ပြဿနာတက်နေကြတဲ့ အကြောင်းအရာတစ်ခု ပေါ်မှာ ထောက်ခံသူလည်းမဟုတ်၊ ကန့်ကွက် သူလည်းမဟုတ်တဲ့ နေရာကိုရောက်ရှိနိုင်ပါတယ်။
အခြားလူတွေက အလုပ်မှာ အငြင်းပွားမှုပေါ် နေတာကိုမြင်ရတဲ့အခါ သင့်အနေနဲ့ သူတို့ရဲ့ ပြဿနာကိုသိရှိနိုင်ဖို့ ပြဿနာတက်နေတဲ့သူတွေကို နားထောင်ပေးလိုက်ပါ။
ဒါပေမဲ့ ကိုယ်နဲ့မသက်ဆိုင် သရွေ့ ဘက်ရွေးပြီး ဝင်ပါတာမျိုးကို ရှောင်ကြဉ်ပါ။
(၂) များများလေ့လာပါ
သင်စာတွေ ၊ ပညာရပ်တွေ များများသိထားလေ စိတ်၀င်စားဖို့ပိုကောင်းလေဖြစ်ပါတယ်။
ဗဟုသုတကြွယ်၀နေသူတစ်ဦးရဲ့ပြောစကားက သာမန်လူထက် ပိုစိတ်၀င်စားဖို့ကောင်းပါတယ်။အဲ့လိုပဲ ဗဟုသုတ ကြွယ်၀ နေတဲ့ လူတစ်ယောက် ဟာ ဘယ်နေရာကိုပဲ ရောက်ရောက် လူအများရဲ့ စိတ်၀င်စားမှုကို ခံရသလို သူတို့ ဟာ စကား၀ိုင်း တွေမှာ Auto ဦးဆောင်သူ နေရာကို ရောက်သွားတတ်ပါတယ်။
ဒါကြောင့် သင်တက်နိုင်သမျှ စာတွေ များများလေ့လာဖို့လိုသလို သင့်ကိုမေးလာမယ့် ဘ၀ ၊ အလုပ်နဲ့ပတ်သက်တဲ့မေးခွန်းတွေကို ဖြေဖို့ လေ့လာထားမှရပါမယ်။
၃။ပြောလိုက်တဲ့ ပြောစကားအပေါ်မှာ အာရုံစိုက်ပါ
သင့်အနေနဲ့ ရုံးတွင်းမှာ ပြောဆိုဆက်ဆံရေး ကောင်းတဲ့သူဖြစ်ဖို့ ပြဿနာတွေ၊အတင်းအဖျင်း တွေမှာ ဝင်မပါဘဲနေသင့်ပေမဲ့ အပေါင်းအသင်း မဆံ့သူ၊ ကိုယ့်ရုံးက ပြဿနာတွေကိုမသိတဲ့သူ ဖြစ်နေလို့လည်း မရတဲ့အတွက် သိသင့်သိထိုက်တဲ့ သတင်းအချက်အလက်တွေကို သိအောင်လည်း လုပ်ထားသင့်ပါတယ်။
သတင်းအချက်အလက်မပြတ်စေဖို့အတွက် အတင်းဝိုင်းတိုင်း ကိုယ်ပါနေတာမျိုးမဟုတ်ဘဲ တစ်ကြိမ်တစ်ခါလောက် ဝင်ရောက်နားထောင်ခြင်း မျိုး လုပ်မယ်ဆိုရင် ကိုယ်ဟာသိသင့်သိထိုက်တဲ့ သတင်းတွေကိုလည်းသိရှိပြီး ရှောင်ကြဉ်သင့်တဲ့ ကိစ္စရပ်တွေကိုလည်း သတိထားနိုင်မှာဖြစ်ပါတယ်။
အတင်းစကားတွေကနေ သတင်းအချက်အလက် တစ်ခုတည်း ရယူနိုင်တာမဟုတ်ပါဘူး။
ကိုယ့်လုပ် ဖော်ကိုင်ဖက်တွေက ပေးတဲ့လမ်းညွှန်ချက်တွေ၊ ဒါမှမဟုတ် ကိုယ့်အထက်အရာရှိက ကြေညာထား တဲ့ အကြောင်းအရာတွေစသဖြင့် သိရှိနိုင်သလို ဖြစ်နေတဲ့အရာတွေပေါ်မှာ ကိုယ့်လုပ်ဖော်ကိုင်ဖက် တွေက အပြုသဘောမြင်သလား၊ အပျက်သဘော မြင်သလား စသဖြင့် အကဲဖြတ်လို့ရပါသေးတယ်။
(၄) သင့်အကြောင်းကိုပြောပြပါ
သင့်စိတ်၀င်စားတဲ့ ဝါသနာကို ပွင့်ပွင့်လင်းလင်းပြောပြဖို့မကြောက်ပါနဲ့။
လူတော်တော်များများက သူတို့ရဲ့ဝါသနာကို ပွင့်ပွင့်လင်းလင်းပြောပြဖို့ မဝံ့ရဲကြပါဘူး။
အကြောင်းကတော့ သူတို့ဝါသနာနဲ့ပတ်သက်ပြီး ထူးဆန်းတယ်လို့ အထင်ခံရမှာစိုးလို့ပါ။
သင့်ဝါသနာအကြောင်း ၊ သင့်ကြိုက်တဲ့အရာတွေအကြောင်း များများပြောပေးလေ သင်က စိတ်၀င်စားဖို့ကောင်းလေဖြစ်မှာပါ။
သင့်အတွေ့အကြုံတွေ နဲ့ စိတ်၀င်စားဖို့ကောင်းတဲ့အရာတွေကို ပြောပြပေးရင် လူအမ်ားက စိတ်၀င်တစားနဲ့နားထောင်လာမှာပါ။
သေချာ ပေါက် မှတ်ထားရမှာ တစ်ခု ရှိပါသေးတယ်။
ကိုယ့်ကိုယ်ကို အရင်စ မိတ်ဆက်ဖို့ မကြောက်ပါနဲ့။
(၅) တဖက်လူစကားကို စိတ်၀င်တစားနားထောင်ပါ
Good Listener တစ်ယောက်ဖြစ်မှ Good Speaker တစ်ယောက် ဖြစ်မှာပါ။
ကိုယ်ပြော ချင်တာတွေပဲ ကိုယ်ပြော နေလို့လဲ မရသလို တစ်ဖက်လူပြောတာကို ငူငူငိုင်ငိုင်ကြီးနဲဲ့ နားထောင် နေတာမျိုးလည်း မဖြစ်သင့်ပါဘူး။
သင့်က တဖက်လူစကားကို စိတ်၀င်တစားနားထောင်မယ်ဆိုရင် သင့်ရဲ့စကားကိုလည်း တစ္ဖက္လူက စိတ်၀င်တစားရှိလာ ပါလိမ့်မယ်။
ဒါကြောင့် တစ်ဖက်လူက စကားပြောနေရင်း ဒါဟာ အရေးကြီးတယ်လို့ခံစားစေရအောင် စိတ်၀င်တစားနားထောင်ပါ။
၄။ အိမ်မှာရင်ဖွင့်ပါ၊ အလုပ်မှာ ရင်မဖွင့်ပါနဲ့
အလုပ်ခွင်မှာ ကိုယ့်ရဲ့အလုပ်အကြောင်းစော ဒကတက်တာဟာ ကောင်းတဲ့အရာမဟုတ်ပါဘူး။ အထူးသဖြင့်ကိုယ်ဟာ ဆက်ဆံရေးကောင်းအောင် ကြိုးစားနေတဲ့သူတစ်ယောက်အနေနဲ့ပိုလို့တောင် မလုပ်သင့်ပါဘူး။
အလုပ်မှာအဆင်မပြေမှုတွေကို ကိုယ့်အိမ်မှာပဲ ရင်ဖွင့်ပါ။ ကိုယ့်အလုပ်က လုပ်ဖော်ကိုင်ဖက်တွေကို ရင်ဖွင့်နေခဲ့ရင် ကိုယ့်ကိုမလိုသူတွေလည်း ရှိနိုင်တာမို့ စကားတွေက ကားသွားပြီး ဒုက္ခရောက်နိုင်ပါတယ်။
ဒါ့အပြင် သင့်အနေနဲ့ အလုပ်ထဲကအုပ်ဖွဲ့မှုတွေရဲ့ ဘက်တစ် ဖက်ဖက်ကို ရောက်ရှိသွားပြီး လူတွေက သင့်ကို ဆက်ဆံဖို့ခက်ခဲသွားပါလိမ့်မယ်။
သင့်အနေနဲ့ တကယ့်ကိုပြဿနာတက်နေတဲ့အကြောင်းအရာ ရှိတယ်ဆိုရင်သင့်ရဲ့အထက်လူကြီးကို တိုက်ရိုက် သွားပြောတာ အကောင်းဆုံးဖြစ်ပါတယ်။
အထူး သဖြင့် ကိုယ့်ရဲ့ကိုယ်ပိုင်ဘဝကိုပါ အနှောင့်အယှက် ပေးနေတဲ့ ကိစ္စမျိုးတွေကြုံနေရရင် ကိုယ့်အထက် လူကြီးနဲ့ ပွင့်ပွင့်လင်းလင်းဆွေးနွေးပါ။ အဖြေရှာပါ။
ဒါမှသာ ကိုယ်ဟာ ပြောဆိုဆက်သွယ်မှု (Communication) ကောင်းသူတစ်ယောက်အနေနဲ့လည်း ကိုယ့်ပုံရိပ်ကိုတည်ဆောက်ထားနိုင်မှာဖြစ်ပါတယ်။
အလုပ်ခွင်မှာ ပုံရိပ်ကောင်းများပိုင်ဆိုင်နိုင်ကြပါစေ။
Comentários